Fundashon J.A.G. i Fundashon Karnaval Banda Bou kier a hasi un yamada pa tuma bon nota di e siguiente fechanan pa kùr i her- kùr di tur vehíkulo ku lo partisipá den marchanan di Punda i Banda Bou.

E promé fechanan lo ta dia djasabra 20 yanüari, di 9’or di mainta pa 5’or di atardi i djadumingu 21 yanüari, di 9’or di mainta pa 4’or di atardi na e tereno di CPS na Nieuwehaven.

Dianan di her –kùr ta djasabra 27 yanüari, di 9’or di mainta pa 5’or di atardi i djadumingu 28 yanüari, di 9’or di mainta pa 4’or di atardi. Esaki tambe lo tuma lugá riba e tereno di CPS na Nieuwehaven. Nos kier pa boso tuma bon nota ku ta vehíkulonan ku lo partisipá den e marchanan di Punda i esun marcha na Banda Bou. Pa kualke informashon por tuma kontakto ku Fundashon J.A.G. na Zona Kultural / Teatro Luna Blou òf na telefon 465  4495.