WILLEMSTad – Djasabra awo dia 28 september lo bai tin un exposishon titula `Ritmo`, ku obra nan di Astrid van Dorp kombiná ku un kas habrí na “Atalier Art2gether”.E ritmo nan di salsa, merengue, reggae, sinfonia nr. 40 di Mozart, tumba, house i tambe e ritmo di awaseru a inspira Astrid pa ku e obra nan. Intonashon, dinamismo i tempu a wordu pone den kolo. Astrid a nase na Hulanda i tin mas ku 10 aña bibando aki na Korsou i tin  obra nan na diferente parti di mundu. Pa bo por haña un impreshon di nan obranan bo por bai na  www.facebook.com/AtelierArt2gether E ekposishon lo kuminsa 10 or ku un  tajer pa mucha te ku 12 or I lo sigi te ku 5 or. Den e tajer e mucha nan lo siña diferente teknika ku a wordu usa den e obranan. Despues di djasabra por tra un sita pa mira e obranan. Di 3.30 te ku 5 or lo bai tin musika bibu di e trombonista Hector Sampson (WESU).Un invitashon ta bai pa un i tur bishita e exposishon i dia habri na “Atalier Art2gether” djasabra awo. E adres ta Kaya Ma Pieternella m 12 (kaminda pa bai Boka sami).
No pèrdè e oportunidat aki. Entrada ta grátis. Pa mas informashon por jama: 5153141