Djamars 9 di yüni 2015 Naturals Curaçao a ekspandé for di “The Natural Beauty Shop” na “The Natural Beauty HOME”. Esaki a tuma luga na Corriweg kaminda e edifisio ta situá. Na THE NATURAL BEAUTY HOME no solamente bo por disfruta di e produktonan natural di Naturals Curaçao pero tambe di masashi profeshonal di Bo Salú ku aroma natural i agradabel den un esfera relahante. Tambe tin servisio especial pa pia i man di Herbal Spa Pedicure ku ta malkriá bo ku yerbanan natural komo tambe p.e. kòfi, chukulati.

Naturals Curaçao a nase na 2013 na man di Mariluz Manuela ku e meta pa enrikesé tantu e ser femenino komo maskulino su balor propio, stimulando e apresio pa ta bo mes i stima bo mes manera bo ta, especialmente bo kabei hasiendo uso di produkto natural evitando kìmiko.

Ku e filosofia aki  Naturals Curaçao a kuminsa brinda produktonan natural traha na man pa kabei kual ta traha únikamente ku ingredientenan natural ku no ta kontene kìmiko manera pomada, zeta i tratamento pa krese kabei. Atraves di tempo ela amplia su kolekshon ku produktonan pa kutis tambe manera habon pa baña, loshon, krema, scrubs i body and hair serum ku ta zeta ku fragansia ku por husa komo kolonia. Tambe nos tin bela pa masashi traha natural i ku zeta nan sertifiká di ta puru i ta tra riba pedido pa otro sentronan di beyesa. Tur esaki nan ta traha manera ta bisa na ingles “home and handmade”. Den 2014 ela a sali kas i drenta THE NATURAL BEAUTY SHOP na Corriweg i awe ku bendishon di Señor Naturals Curaçao a ekspandé i bira THE NATURAL BEAUTY HOME.

The Natural Beauty Home ta invita bo pasa serka nan aya na Corriweg of yama 737 3730 pa mas informashon.