ORANJESTAD, Aruba – 15 di Maart 2019: Un biaha mas Stellaris Casino tabata e anfitrion di e evento “MiniBar Aruba”. E meta di Stellaris Casino pa sostene MiniBar Aruba ta pa yuda y aporta na un networking entre entrepreneurs na un manera diferente. Aña pasa pa prome biaha Stellaris Casino a organisa e evento aki y el a bay den un forma hopi exitoso.
E casino a dicidi despues cu e evento tabata exitoso di continua esaki e aña aki, asina Yazira Javois-Feliciana, Director di Marketing & Slot Performance Stellaris Casino, a expresa. E biaha aki a conta cu un grupo completamente diferente na esun di biaha pasa. Launch 101 di Stellaris Casino tabata yen y cu e unico meta pa entrepreneurs por network cu otro, cera conoci cu otro, siña di otro y tambe kisas traha cu otro.
Stellaris Casino semper ta kere den innovacion y aporta na proyectonan cu ta yuda no solamente companianan pa bay dilanti, pero tambe henter isla di Aruba. Den tur locual cu por contribui, Stellaris Casino ta haci esey. Pa e motibo ey cada biaha ta acerca nan puntrando si lo participa cu e evento. “Esaki ta e di dos biaha cu a acerca nos. Nos a dicidi atrobe di aporta na esaki”, Yazira Javois-Feliciana a expresa. Cada kwartal di aña ta organisa e evento aki y por spera un biaha mas e evento aki 3 luna. Stellaris Casino ta cla pa contribui na e evento aki un biaha mas.
E evento di Mini Bar Aruba a bay hopi bon y nan a ricibi hopi feedback. Kawish Misier, fundado di MiniBar Aruba, a expresa cu hopi hende a presenta na esaki unda cu ta intercambia conocemento y ideanan. Asina aki ta stimulando negoshi, stimulando economia di Aruba. MiniBar Aruba ta gradici tur hende cu tabata presente, pero tambe nan sponsor Stellaris Casino.
E anfitrion tabata Camara di Comercio y aki a invita diferente entrepreneurs, diferente compania pa tabata presente. Aki nan por a gosa di e open bar, snacknan bon surti y entretenimento. E evento di MiniBar ta uno exitoso na Aruba, di cual ta organisando e evento aki pa di 6 biaha y di 2 biaha na Stellaris Casino.
A bin cu e MiniBar Aruba y e meta di esaki ta pa interactua pero tambe stimula negoshi. Aruba ta un isla chikito y door di haci tipo di eventonan aki. “Na Aruba nos ta social. Nos gusta di ta den e networking y esaki ta un networking event”, Kawish Misier a expresa. E meta ta pa mas hende conoce otro, mas oportunidad tin pa haci negoshi. Den e MiniBar a haci hopi negoshi caba y e organisado a ricibi feedback riba esaki, unda cu a haci acuerdonan di miyones door di e participantenan di MiniBar.