Tropical Bottling Co. y Gianni’s Group a presenta e famia di Dewar’s Whisky na consumidor nan
ORANJESTAD, Aruba – 21 di Maart 2018: Tropical Bottling Co. hunto cu Gianni’s Group a tene un tasting sumamente exitoso di Dewars whisky na AZIA Restaurant and Lounge. Lizzi Arendsz representante di Tropical Bottling a expresa cu Tropical Bottling Co. ta hopi contento di por a team up cu AZIA Restaurant and Lounge, y el a keda impresiona cu e tremendo servicio brinda na tur invitado. E interes den e tasting di e productonan di Dewar’s tabata grandi y esaki a pone cu nan mester a “triple up” e grupo, haciendo esaki algo historico pa Bacardi.
Gianni’s Group tambe a keda contento cu Tropical Bottling Co. a scoge nan pa por a organisa e evento di tasting cu e whisky Dewar’s. Zulay Duran, bartender ehecutivo di Gianni’s Group, a expresa cu e aceptacion di e hendenan tabata uno increibel. E whiskynan tabata espectacular y e experiencia tabata uno increibel.
E invitado special di anochi tabata ta Carlos Maestracchi embahador di Bacardi. El a splica ampliamente ariba e proceso di destilacion di Whisky y a enfoca riba e motibonan pa cual Dewar’s ta e marca cu mas di 500 medaya gana mundialmente. Siguientemente el a guia e invitadonan den e proceso di tasting di cada un di e Whisky presenta. Carlos Maestracchi ta comparti: “E feedback cu nos a ricibi di e invitado nan tabata bastante afirmativo. Nan a gusta e diferencia cu e proceso di “Double Aging” ta haci cu e Whiskey, haciendo di Dewar’s un Whiskey hopi mas exclusivo y di un calidad superior”. Durante e anochi aki e invitadonan a purba diferente Whisky den e liña di Dewar’s y tambe Aberfeldy cu ta un single malt. Dewar’s White Label y Dewar’s 12 ta hopi conoci na Aruba, pero e mensahe di mas grandi cu a fascina tur esunnan presente ta, cu fuera di White Label y Dewar’s 12 aña, Dewar’s ta ofrece otro Whiskey di mas aña y caracter.
Tropical Bottling a ricibi hopi bon feedback, y siguramente e sorpresa di e anochi tabata ta e primicia di por a purba Dewar’s 15 cu no ta den mercado ainda. E reaccionnan tabata tremendo y e expectativa ta cu 15 lo conkista e paladar di hopi hende ora e drenta mercado. Oficialmente Dewar’s 15 lo wordo lansa durante Aruba Summer Festival na Juni.