Digicel dunado aporte na comunidad organisando ORANGE WALK hunto cu SV Estrella Den tremendo caminata pa recauda fondo

ORANJESTAD, Aruba – November 2015: Digicel ,semper activo, dinamico, innovativo, y semper cla pa duna un man na causanan valioso, ta uni su mes na e football team y ta haci un yamada na fanatico di Estrella y Aruba en general pa e ORANGE WALK pa recauda fondo pa renoba e futbol veld di Estrella.

E Orange Walk ta 21 di November 2015 , iniciando for di 5 or di atardi banda di Marriott Resort Fisherman Hut.

Registracion y puntonan di benta di ticket lo ta na Digicel Tanki Lendeert,.na Veld di Estrella Di dialuna te cu diasabra entre e oranan di 5.30 pa 7.30. Tambe na Valero Santa Cruz, na Top FM 95.1 y cerca e hungadonan of miembronan di Estrella.

E contribucion pa e caminata lo ta Fls. 5.00 pa persona y tur fondo recauda lo bai pa SV Estrella

A funda SV Estrella dia 1 di september 1948. E ekipo a sa di crece den e ultimo 66 añanan te bira un organisacion di 165 futbolista. Nan ta parti entre futbolistanan di 4 aña te cu 40 aña di edad, cu ta inclui division di damas, liga hubenil, menor, mayor y junioren, hoofdklas y veterano.

E ekipo futbol SV Estrella di e districto Santa Cruz tin un record impresionante, specialmente den formacion di hobennan den varios ramo di deporte. SV Estrella a hunga 28 final di futbol y a titula campeon 12 biaha.

E desaroyo riba tereno deportivo ta e prioridad di e directiva di Estrella, p’asina di e manera aki crea lidernan di mañan. Digicel Aruba y SV Estrella ta comparti e mes un ideologia y mesun puntonan. Deporte ta e base di un nacion y si esaki ta bon hiba un nacion semper ta keda sano y productivo. SV Estrella a gradici Digicel Aruba enormemente pa su contribucion un biaha mas.