Willemstad, Jüni 16, 2015 Eksaktamente 4 luna pasa un grupo di amigu durante di un evaluashon na nan partisipashon den karnaval, a jega na e idea ku e tempu pa bini ku un grupo di karnaval ta un hecho. Asina e reunionnan riba base regular a kuminsa pa fiha un direkshon nobo pa ku partisipashon den marcha di karnaval. Pa simannan largu a sinta “brainstorm” i hinka ideanan den otro pa asina por a krea un grupo ku tin un vision i mishon fuerte pa futuro. Ku un base firme i sigur a sòru di krea algu konkreto i jega awe na e lansamentu di “Entrenous Carnival Group”.
E grupo su Mishon prinsipal ta “Brinda bon servisio na su miembronan i engrandese e selebrashon kultural di karnaval”
E grupo su Vishon ta “Organisa i dirigí un trato korekto pa nos miembronan pa asina konhuntamente por selebra karnaval den un ambiente sano y respetuoso entre nos ku nos .
Nos a buska un kombinashon perfekto ku ta klòp ku e konsepto di e grupo: “ ku e gana di disfruta den un ambiente nechi ku un bon banda pa animá e grupo”. Nos a aserka diferente banda pa asina nos skohe e grupo musical, serio pa loke ta struktura di banda. Nos a kombina esaki ku “guest stars” pa asina nos jega na un bon balansa pa e grupo por subi kaya durante marchanan di 2016. Sonnos i Area 51 ta e kombinashon perfekto ku nos grupo a skohe. Sonnos I Area 51 ta trahando duru pa ta kompletamente prepará pa asina ofrese un repertuario diversifiká i nobo pa pueblo di Kòrsou.
E grupo a skohe di no revela su tema pa karnaval 2016 ainda. Esaki lo keda “Entrenous”, nos diseño nan ta kla i nos a ranka sali pa asina tur hende ku e deseo di un bon servisio por kuminsa inskribi. Nos enfoke ta basa riba un kantidad di mas o menos 125 partisipante pa asina por ofrese e kalidat ku nos ta para pe. Es’nan interesa por libremente tuma kontakto ku nos direktiva pa asina haña informashon di trahe I tur otro detaye.
Persona di kontakto: Sandra Martha +5999 695-8981 i Riecardi Irausquin +5999 6871186. Tambe por email na carnivalgroupentrenous@gmail.com.
Entrenous Carnival Group ta profilá su mes den e faborito nan pa marcha 2016 i ta invita e pueblo karnavalesko pa keda pendiente pa e desaroyonan pa ku e grupo. Nos lo tin aktividatnan na kaminda y atraves di nos pagina sosial di facebook lo update tur hende. Durante e proksimo lunanan lo anunsia sorpresa i partisipashonnan uniko den e grupo aki.
Excelent Quality & Good Service is our Commitment.