Djasabra 06 yanüari próksimo tin gran apertura di e fiesta kultural mas grandi na Kòrsou ku ta nos Karnaval. Pa esaki Fundashon J.A.G. huntu ku Action Team a organisá un magno evento riba Kleine Werk ku ta bai ser transformá den un Curaçao Carnival Village. Karchi nan ta bayendo super bon. Tres tremendo gimmick tras di lomba. I awor ta e fase di entrega di e T-shirtnan pa asina huntu ku bo karchi por drenta na e evento aki. Ainda tin algun karchi na Beep Beep Rio Canario, Mensing’s Caminada i 24 uur uit de muur na rason di fl.55,–.

Dianan 4 i 5 yanüari for di 10’or di mainta te ku 8’or di anochi lo entrega T-shirt, djasabra 06 yanüari te ku 2’or di mèrdia na Sede. I lo bende tambe e sobra karchinan ku tin ku no ta hopi mas. Entrega di T-shirt ta tuma lugá na sede di Fundashon J.A.G. ku ta keda na Teatro Luna Blou (Zona Kultural). Pues pasa ku bo karchi i skohe bo kolo di shirt pa e gran apertura di Karnaval 2018.