Djaweps 25 di yuni ku gran honor Fundashon Pro Bista Kòrsou a hasi entrega di sertifikado na algun di su kliente nan ku a finalisá nan trayekto di lès di kòmpiuter ku èksito. E seremonia aki a tuma lugá na Fundashon Pro Bista Kòrsou den Sala Corrie van Putten, e seremonia aki a wòrdu guiá dor di e maestro di seremonia Sherlyn Manuela. Kliente nan ku a risibi nan sertifikado kual ta:
- Lucilla Wilmans
- Ludwina Martis
- Zoraida de Sousa
- Sildra Joseph
- Marelva Cannister
ku a kaba e trayekto Windows & Word.
tambe:
- Richard Burnet
- Rubia Christiaan
ku a kaba e trayekto Blind Typing.
E grupo aki a desfila den nan toga pa despues tuma nan sertifikado for di man di nan IT trainer Ruben Williams. Pa e okashon spesial aki Fundashon Pro Bista Kòrsou a invita e grupo Chosen Stars ku a deleita tur partisipante i bishitante nan ku algun kantika. E grandioso seremonia aki a finalisá ku un selebrashon ku a trese famia, amigu i kolega nan huntu pa gosa ku nan ser kerí ku a risibi nan sertifikado.