Willemstad – yüli 2014:  Ku bista fihá riba servisio efisiente i pensando riba satisfakshon di kada kliente, Banco di Caribe ta introdusí un dia ‘èkstra’ den nan servisio. Anteriormente tabata habrí  riba un djasabra pa luna. Pa por kumpli ku e klientenan ku durante siman no tin tempu pa atendé nan asuntunan bankario Banco di Caribe ta agregá e djasabra na e iterinario di servisio, hasiendo posibel pa e kliente por hasi su transakshonnan bankario den tur trankilidat. Kuminsando dia  2 di ougùstùs Banco di Caribe su branch na Saliña lo ta habrí tur djasabra di 9’or di mainta pa 1’or di mèrdia. Ta bon pa menshoná ku e departamento di Customer Sales & Services lo ta habrí pa por ehèmpel habri kuenta, hasi transferensia personal i di kompania i transakshonnan na kaha, atendé asuntunan di tarheta di krédito, fiansa personal i hipoteka. Di e forma aki Banco di Caribe ta suprayá su kompromiso ku kada kliente i garantisá servisio rápido i efisiente.  Tuma bon nota ku Banco di Caribe su branch na Saliña lo NO ta habri djasabra 26 di yüli binidero. E servisio èkstra di “tur djasabra” lo kuminsá dia 2 di ougùstùs próksimo..