Sra. Constancia ta yama danki na pueblo di Aruba ku a bishita i presensia despedida organisa na defunto Harry Zimmerman. Un danki na Gobierno di Aruba pa tur e atenshon duna na nos defunto. Un biaha mas danki na Radio Mas i Radio Direct ku e bon intenshon i gesto pa organisa un oportunidat ku pueblo, musiko(nan) por duna aporte ku na final no tabata nesesario , pero nos ta keda apresia e intenshon. Un biaha mas esaki no tabata nada di Bario Boca Sami i famia Zimmerman, ta un gesto ku musiko(nan) ke a ofrese pa medio di Radio Imisora ku tabata kla pa kopera, esaki pa kita tur duda i malkomprondementu ku por a surgi. Nos bon Dios a krea oportunidat ku awe nos por bisa ku orguyo un danki ta bai na; Sr. Heerenveen di Insel Air, El Senorial, SWorld Trade Center (WTC) , Clarion Hotel, Radio Mas i Radio Direct i famia Zimmerman na Korsou , Pueblo di Boca Sami pa e aporte duna na nos defunto sr. Harry Zimmerman. Pueblo di Boca Sami i famia Zimmerman lo ta gradisi semper pa tur bon gesto!!! Huntu nos a logra un bon gesto pa un bon persona, i tur kos otro humildemente nos ta laga atras, nos deseo a bira realidat “ Def. Harry Zimmerman” su entiero na Korsou, pa nos esei ta bal mas ku tur kos, masha masha danki mes. Sra. Constancia ta hasi uzo di e oportunidat pa duna informashon di e entiero na Korsou ku ta djabierne 07 di Mart 2014. 12:00 – 12:10 Famia ta risibi morto “ El Senorial” 13:00 – 15:30 Orario di Kondolensha pa pueblo na WTC 15:30 – 15:45 Salida for di WTC pa Misa Sta. Clara ,Jandoret 16:00 – 17:00 Santu Sakrifisio di Misa na Misa di Sta. Clara na Jandoret Hiba defunto na Santana (ultimo luga di sosiegu) Na WTC lo tin un programa bon balansa kaminda musiko(nan) lo hana oportunidat pa ekspresa nan gratitud na defunto. Despues di entiero tur ku ta desea por pasa na Kas di defunto na Boca Sami. Na nomber di Famia Zimmerman un biaha mas danki. Na nomber di Famia Zimmerman(Kasa, yu(nan), ruman i demas famia) nos ta yama pueblo di Korsou i Boca Sami masha masha danki pa tur ateshon duna, dios Bendishona boso rikamente!