Djabièrne 6 di novèmber ENNIA ta introdusí su Seguro di Biahe nobo, e Seguro di Biahe kontínuo, pa e “frequent traveler”. E seguro nobo akí ta ofresé siguridat i komodidat, i for di 2 biahe pa aña kaba e ta mas  bentahoso ku e ya konosí seguro di biahe ku mester sera apart pa kada biahe. E Seguro di Biahe Kontínuo ta kubri sigun nesesidat 60, 90, of 180 dia di biahe pa kada biahe, i ta disponibel den 3 variante di kobertura. Ku esaki por adaptá e seguro kompletamente na situashon personal di e biahero. Nobo tambe ta ku no tin límite di edat i ku por sigurá pareha i yunan aserka a base di un prima adishonal chikitu. Kobertura médiko rònt mundu i asistensha den kaso di aksidente ta sigurá den e pakete básiko. Esaki naturalmente banda di pèrdida òf ladronisia di ekipahe, asesorio  di hòbi i deporte, kosnan di balor, instrumènt di muzik, aparatonan di kòmpiuter i dokumentonan ofisial. “ Kada dia klientenan ta biaha mas tantu, tantu pa negoshi komo pa motibunan privá. Esaki ta pone ku e pedido pa seguro di biahe ta oumentando rápido. Ku e produkto nobo akí nos ta hasi bida di nos kliente mas fásil ainda,” sigun Gilbert Martina, Senior Managing Director di ENNIA. “E forma ku nos ta introdusi e seguro akí tambe ta remarkabel: Komo imágen di e kampaña nos a skohe kampion di weganan dòbel pa kabayero na Wimbledon i Kòrsou su orguyo Jean Julien Rojer. Un hende ku ta biaha rònt mundu dos bia pa aña. Durante première di e pelíkula nobo di James Bond ‘Spectre’ lo presentá e propaganda pa promé bia na públiko, tantu na The Cinemas komo na The Movies. Pa mas informashon bishitá ennia.com.