Den kuadro di dia di penshonado, ENNIA a renobá Pensioenpas. Tur hende ku ta kobra penshun na ENNIA ta haña un Pensioenpas nobo, ku ta ofresé e penshonado èkstra bentaha tanten e ta mas fásil pa usa tambe.

E Pensioenpas mésora ta un karchi di Fun Miles úniko i personal ku ta regalá e penshonado Fun Miles na tur kompra. ENNIA ta oumentá tur Fun Miles ku spar ku e Pensioenpas ku 25%.

“Nos ta respetá edat i eksperiensha di bida. Ku plaser nos ta duna nos penshonadonan ku a spar nan penshun na ENNIA algu èkstra. Ku Plùs-25% Fun Miles, doño di e Pensioenpas por troka mas Fun ku e programa di loyalidat ku Fun Miles ta ofresé su spardónan.”,  sigun Leslie-Ann Brodie, direktor general di ENNIA.

Banda di Plùs-25%, riba djárason mainta ENNIA ta ofresé su penshonadonan un kòpi di kòfi òf te grátis den mas ku 10 establesimentu ora nan mustra e Pensioenpas. Anto ENNIA penshonado nieuwsbrief i e Pensioenpas Informatiedesk ta informá doñonan di e Pensioenpas ora tin aktividatnan atraktivo òf otro ofertanan èkstra.

Na Aruba, Sint Maarten i Boneiru  kaminda tambe Fun Miles i ENNIA ta aktivo, ta introdusí ENNIA Pensioenpas mas lat den aña.

Mas informashon tokante ENNIA Pensioenpas: ennia.com/pensioenpas.