• Liberty Latin America ta kumpli ku su promesa

di sostené i invertí den su hendenan!

Willemstad, Kòrsou (September, 2019) — Liberty Latin America (LLA), e kompania mama di e dos kompanianan provedor di entretenimentu i komunikashon, Flow i United Telecommunication Services (UTS), ta kumpli ku su promesa di sostené i invertí den su hendenan, ku e lansamentu ofisial di su plataforma digital di siñansa pa tur empleado di e kompanianan di UTS ku resientemente a ser kumprá den Karibe Hulandes.

Learning Academy, e kompania su plataforma di e-learning, ta aksesibel pa tur empleado den e teritorionan kaminda LLA ta operá. E instrumento online akí ta duna akseso liber na un variashon grandi di kurso ku ta disponibel tur ora, tur kaminda, na kumbiniensia di e empleado.

Dom Boon, visepresidente di ‘People for C&W Communications’, ku ta operador di e markanan Flow i UTS, a bisa, “Un enfoke prinsipal pa nos komo parti di Liberty Latin America, ta pa brinda oportunidat di kresementu i desaroyo na nos empleadonan.  Nos ta kontentu di por ekstendé e foro di siñansa akí na nos koleganan di UTS, i asina permití nan pa djòin miles di nan koleganan rònt LLA, kendenan ta tuma kompleto bentaha di e plataforma’kí di eLearning pa wak, lesa, skucha i siña for di kaminda ku nan ta.”

Boon a kontinuá, “Nos sa ku kresementu den nos empresa ta kuminsá i kaba ku nos empleadonan. Komo tal, nos ta kontentu di por brinda instrumentonan i rekursonan pa yuda nan ekspandé nan konosementu i sostené nan kresementu personal, loke ta kondusí finalmente na un empleado mas felis.”

LLA a introdusí su Learning Academy ofisialmente na empleadonan den Karibe Hulandes un siman pasá, i e reakshon te ku awor tabata sumamente positivo. Empleadonan awor tin akseso na módulonan ku ta reenforsá siñansanan klave den nan área di ekspertisio i/òf ekspandé nan konosementu tokante otro áreanan di e indústria. Hopi empleado ta garando e oportunidat pa probechá di sentenáres di kurso online i tambe di “training webinars” grátis i na nan kumbiniensia.