Exitoso Zumathon dedica na  Animal Rights Aruba!

ORANJESTAD- April 2016: Siman pasa empleadonan di Starbucks Aruba a celebra su ‘Global Month of Services’ cu un tremendo ‘Zumbathon’ dedica na Animal Rights Aruba. E meta principal di e Zumbathon tabata pa recauda mas fondonan posibel y entrega esaki den forma di un donacion na Animal Rights Aruba. Claro, e pone e curpa den movecion y a pasa un rato ameno.

Ya for di 8’or di mainta bao guia di Denise Krozendijk, Rose Ann Ruiz y Roshen Donata a cuminsa cu calentamento pa despues intensifica e ehercicionan. Mas di 130 participante a contribui na e bon causa pa ARA. Durante di 3 ora consecutivo participantenan di un forma activo a participa na e ehercicionan, despues di 3 ora ainda tabatin 12 participante den e Zumbathon. Mesora instructornan Denise, Rose Ann y Roshen a activa e Zumba Battle di 5 minuut. Ganadornan a resulta, na di cuater lugar Richelin Kock, na tercer lugar Sarah Abreu, na di dos lugar Nicole Acosta y finalmente tabata Micheline Wever cu a resulta ganadora di e Zumbathon 2016 di Starbucks.

A recauda 1,300 florin; tur entrada di registracion pa e Zumbathon a bay pa ARA su esfuersonan comunitario y na bienestar di animalnan na Aruba. Starbucks ta gradici tur participante pa un biaha mas demostra nan entusiasmo y ta felicita e ganadornan di Starbucks Zumbathon 2016. Riba foto algun imagen di e mainta masha activo parti patras di Renaissance Convention Center.