Despues di dos dia di training

ORANJESTAD, Aruba – 12 di Juni 2018: Riu Palace Antillas a organisa un training di dos dia pa nan empleadonan di restaurant. Durante e dos dianan aki, empleadonan a ricibi diferente training y tabata encanta cu tur loke nan a siña, di cual nan por aplica den nan trabou diario. Nan ta contento p’e oportunidad ricibi na Riu Palace Antillas cu nan por sigui crece den nan trabou.

A haya oportunidad pa purba diferente biña y siña mas di esunnan nobo. Adicional, a ricibi informacion riba e biñanan exclusivo, segun Raymond Kok, On Trade Sales Manager & Sommelier di e agencia Pepia Est Aruba. Training di e personal a bay bon y tur hende tabata entusiasma. Cu e training aki e empleadonan tin un miho conocemento di biñanan y lo mehora nan oferta di servicio.

E biñanan presenta por conecta cu publico grandi, accesibel y nombernan grandi manera, Decoy, Duckhorn, biña Italiano Cecchi Riserva di Famiglia y hopi mas. Na Riu Palace Antillas e biñanan aki ta mas economico comparando cu otro hotelnan. Segun Raymond Kok, specialmente huespednan Mericano ta familiarisa cu e prijs di biñanan y lo ta interesa pa e prijsnan ofreci na RIU compara cu otro hotelnan. Na final Raymond Kok tabata hopi contento cu e oportunidad ricibi di Riu Palace Antillas pa comparti su conocemento cu empleadonan di e hotel.

RIU Hotels & Resorts a habri Riu Palace Aruba na aña 2007. Debi na e gran exito di su prome hotel na Aruba, e compania a dicidi di adkiri un di dos hotel, habriendo Riu Palace Antillas na aña 2014. Hunto e dos hotelnan aki ta maneha mas o menos 50 mil huesped pa luna, cu un nivel di grado di ocupacion mas halto riba nos isla. Entre e dos hotelnan RIU na Aruba, nan ta emplea riba 800 trahado, brindando huespednan e miho nivel di servicio.