ORANJESTAD, Aruba – 17 di December 2017: Aruba Bank a tene nan tradicional celebracion di fin di aña cu empleadonan den e ballroom di Aruba Marriott Resort & Stellaris Casino. Durante e anochi aki a anuncia ganadonan di e 2017 All Star Team di Aruba Bank, esta empleadonan cu a sobresali e aña aki. Ganadonan di e 2017 All Star Team di Aruba Bank ta Rutsella Britten, Arthur Frans y Carina Semeleer.

Desde oranan trempan empleadonan hunto cu nan acompañante a yega Marriott pa asina disfruta di e evento. E empleadonan tabata contento di por a pasa un anochi ameno, unda un y tur tabata papia y hari pero tambe saca potret di e ambiente. Aruba Bank a reconoce e coleganan nobo, unda cu e pensionadonan di Aruba Bank tambe tabata presente y a celebra hunto un aña exitoso.

Tur hende tabata den suspenso pa mira kendenan lo a forma parti di e 2017 All Star Team di Aruba Bank, unda cu den e categoria di Back Office tabatin 10 nominado cu tabata Verushka Kock di Retail Lending and Credit Control, Diandra Dirksz di Human Resources, Omayra Bikker di Executive Office, Nathalie Kelly di Credit Administration and Control Department, Luandho Deluvia di Credit Administration and Control Department, Stephanie Camacho di Marketing Department, Tito Junior Feliciana di Compliance Service Department, Roixian Janzen di Compliance Service Department, Mary Stamper di Project Management Office y e ganado tabata Rutsella Britten di Information Technology. Den e categoria di Front Office tabatin 9 nominado cu tabata Frandia Falconi di Retail Banking, Jene v/d Biezen di Retail Banking, Edward Figaroa di Corporate Credit, Danella Tromp di Cash Operations, Tack Chan di Retail Banking, Sonaly Acosta di Platinum Banking, Nicole Dijkhoff di Insurance Department, Carina Boekhoudt di Insurance Department y e ganado tabata Carina Semeleer di Corporate Customer Service.

Den e categoria di Leadership tabatin 6 manager cu tabata Lilly Dirksz di Retail Lending and Credit Control, Susanne Croes di Retail Banking, Maureen Harms di Compliance Service Department, Tariq Welhouse di Corporate Credit, Arlette van Voorst di Service Excellence y e ganado Arthur Frans di Information Technology. Aruba Bank ta felicita su 2017 All Star Team y pa nan sigui haci un bon trabou.

Tur hende a disfruta di e bon musica y di e dushi ambiente cu Robert Jeandor y Su Solo Banda Show a pone hunto cu Jeremy Bonarribe y Bambu4PC, tambe nan a disfruta di e dushi cuminda cu Marriott a sirbi durante e cena di Pasco. Tur hende tabata alegre y no tabata kier p’e fiesta termina.