Den un reunion ku su personal, aparte di a informa tokante e kambio den maneho di e kompania entrante 01 di februari ultimo,  Cpost International N.V. a tira un bista bèk riba 2015 i alabes presentá e aktividatnan i/o proyektonan ku pa aña 2016 nan lo bai konsentrá riba dje. E loke ku ta pará sentral ta sigui alsa e nivel di servisio na tur su klientenan i un kondukta profeshonal di kada empleado di Cpost International N.V.. Na final di e mainta, Cpost International N.V. a presentá su empleadonan di aña 2015 i alabes algun otro kolega ku a risibí rekonosementu pa nan dedikashon na trabou durante 2015.

Riba e foto nos por mira miembronan di Tim di Maneho di drpd Rineira Ortela, Max van Aalst, Jervhes Josephia, Andy Luisa i Niviëla Sambo huntu ku e empleadonan. E empleadonan di aña 2015 ta: sintá drpd Jessica Philipshous, Giovanni Felicia i Eaursherlou Alee-Pieter. E empleadonan ku a risibí rekonosementu ta: pará drpd Samuel Nicholas, Raphael Regales, Elvis Roberto, Richardson Ignacio. (Kurchen Trenidad, no ta riba e foto).