WILLEMSTAD- Yüli 2015 – Den luna di Mei último Marriott Resort Curaçao i Emerald Casino a lansa e kampaña na unda ku nan lo regalá un biahe krusero. Partisipashon tabata fásil, tur kliente di Emerald Casino por a kolektá kupòn (hungando sea slòt mashin òf weganan di mesa), mester a yena esaki i tir’é den un buzòn. E premio a konsistí di un krusero di 7 dia pa dos persona riba e prestigioso Monarch ku lo bishitá Kòrsou, Boneiru, Aruba, Colon (Panamá) i Cartagena de Indias (Colombia). Pa e kampaña aki a saka dos ganador. E ganadornan a resultá, sr. Elvin Gerard i sra. Lourdes Jacobus. Ámbos ganador a risibí un biahe pa dos persona riba barku krusero Monarch. Riba fotonan athuntu por mira momentu ku e ganadornan a risibí nan premio for di ehekutivonan di Emerald Casino. Masha pabien! Afiliá na e página di Facebook di Marriott Resort Curaçao https://www.facebook.com/CuracaoMarriott i keda na altura di tur promoshon.