WILLEMSTAD —  Resientemente Doña Elia Isenia dos biaha Reina di Tumba pa Karnaval a yega na un akuerdo ku pa Festival di Tumba 2014, WESU lo ta e banda ku lo kompañá. Despues ku Elia Isenia i direktor Musikal Hector Samson a reuní riba e tópiko di Festival di Tumba 2014, e Promé Reina di Tumba di Kòrsou a tuma e desishon i siman pasa  a anunsiá esaki públikamente. Ellia Isenia ya a kuminsá prepará su komposishon pa Festival di Tumba 2014 i for di awor aki espektativanan ta grandi kon su presentashon ku WESU lo bai ta. WESU den 2013 a debutá den Festival di Tumba ku entre otro Ultiminio Gonzales i a klasifiká pa final. E eksperiensha di WESU tabata unu grandi loke a pone e organisashon kuminsá prepará for di adelantá. Banda di Elia Isenia, e intenshon ta pa kompañá un te ku 2 kantante mas, di kual unu lo ta un sorpresa grandi.