Fundashon J.A.G. e  wikènt aki lo tin na su enkargo diferente elekshonnan pa asina por skohe e partisipantenan ku lo bai karga nos diferente marchanan pa ku Karnaval 2018. Esaki lo ta na enkargo di Shurendi Pieternella i su team di Incredible Decor. Lo bai tin un tremendo shou i presentashon di nos partisipantenan ku a bin ta ensayá hopi fuèrte pa por duna un tremendo shou.

Nos ta kuminsá djabièrnè 19 yanüari ku elekshon Rei i Reina Tiner 2018, na Kleine Werf ku lo kuminsá 7’or anochi pa 1’or di mardugá. Karchinan ta optenibel na Sede Fundashon J.A.G. na Havenstraat z/n. Teatro Luna Blou / Zona Kultural i serka tur partisipante.

Djasabra 20 yanüari 2018, lo tin elekshon Grandi, na Kleine Werf ku lo kuminsá pa 8’or pa 2’or di mardugá. Karchinan tambe pa e elekshon aki ta optenibel serka tur partisipante i na Sede di Fundashon J.A.G. na Havenstraat z/n, telefon 465 44 95. I djadumingu ta turno pa nos hubenilnan, ku lo tuma lugá na Sambil Shopping Mall i entrada pa e evento aki ta totalmente GRATIS. Esaki ta un regalo di Fundashon J.A.G. ku despues di apertura dia 06 yanüari por a hasié posibel i Sambil Mall. E elekshon ta kuminsá 3’or di mèrdia pa 8’or di anochi den FoodCourt di Sambil.

Nos ta invitá hinter pueblo di Kòrsou espesial e fanatikonan di tur e partisipantenan pa bin apoyá nos hóben i muchanan pa asina engrandese nos karnaval. Pa kualke informashon por tuma kontakto ku Fundashon J.A.G. na telefon 465 44 95 òf na sede situá na Zona Kultural / Teatro Luna Blou, Havenstraat z/n.