Hóben ata e oportunidat úniko pa bo demostrá bo habilidatnan artístiko, partisipando na elekshon di Reina, Prens i Pancho di Karnaval Banda Bou. E aña aki nos reina prens I panchonan lo partisipá den tres kategoria.
Infantil, hubenil I grandi
Komo kandidata pa nos elekshon di Reina, Prens I pancho, lo bo desaroyá e habilidat di skirbi bo propio spich, papia den públiko, baila, desfilá riba pasarela, make up, kana riba un stech kombiná ku e konosementu di e historia di Karnaval di Banda Bou I e historia di barionan di Banda Abou engeneral. Durante 5 luna largu Fundashon Karnaval Banda Bou lo prepará bo pa na final bo ta un digno embahadora di nos pueblo di Banda Abou i Karnaval enpartíkular.
Nos meta ta, pa no solamente bo wòrdu koroná komo Reina di Karnaval di Banda Bou aserka pa durante henter bo trayektoria komo Reina o Prens i Pancho bo keda hasi propaganda pa stimulá e pueblo di Kòrsou pa sigui bishitá nos playanan, nos restorantnan I nos sitionan turístiko, seguridat den tráfiko, tene nos barionan limpi, den aria di Banda Bou. Lo bo tin komo tarea pa organisá aktividatnan pa nos hóbennan, pa konsientisá nan riba importansha di studia, kuida nan salú, ta disipliná I protehé nan mes!
Ku otro palabra: Ta un roll model pa nos hubentut. I e kara pa nos komersio den aria di Banda Bou. Nos reina di karnaval Banda Abou lo ta un embahadora na Kòrsou plùs pafó di Kòrsou pa e habitantenan di Banda Bou. Bo kara lo ta riba “billboard” nan rònt Banda Bou. Ku mensahenan positivo. FKBB ta den full preparashon pa su próksimo evenementu di Elekshon di Reina Prens I Pancho Infantil, Reina, Prens I Pancho Hubenil i Reina, Prens I Pancho Grandi. I abo ku bo partisipashon por hasi un impakto serka no hóbennan! I nos ta buskando hóbennan tiner i mucha) ehemplar, disipliná, di bon kondukta i ku hopi gana di ta nos embahador. Bo ta sinti bo yamá pa ta un embahador di nos Karnaval I Bario di Banda Bou ? Bo kurason ta bati pa bo pueblo di Banda Bou? Den bo sanger ta kore desendiente di Banda Abou? Bo kier ta e kara di nos hóbennan? Inskribí awor mes pa partisipá na Elekshon Reina Prens I Pancho di Karnaval Banda Bou 2017. Esaki lo tuma lugá dia 11 febrüari 2017. Inskripshon ta sera dia 31 òktober 2016 Abo por hasi e diferensia!
Bo por mail: Fundashonkarnavalbandabou@gmail.com pa mas informashon. Whatsapp: 59995118916 / 59996728884 / 59995140155 / 59996935760 Of bishitá nos Facebook Page Fundashon Karnaval Banda Abou 2016-2018