Pabien na Stephany Elsbeth ku a gana e kareda riba hilchi:

WILLEMSTAD-JUNI 2013– Den fin di siman tra’i lomba a tuma lugar e kareda riba hilchi na Renaissance Mall i Rif Fort. Un públiko grandi a aglomerá pa tuma nota di e damanan durante di e Stiletto Run di e aña aki. Tabata Stephany Elsbeth ku a gana e kareda preliminario i e kareda final, miéntras ku e premio pa  ‘best dress’ a bai pa Shaniz Asgarali i ‘best shoe’ a bai pa Beverly Akins. Pa e kategoria di ‘best shoe’ a saka un promé finalista tambe, esaki a resultá Amanda Klok. E aña aki e reglanan tabata un poko mas tantu ku añanan anterior, esaki debí na e kantidat kresiente di partisipante. Tur aña di nobo e Stiletto Run ta hala hopi atenshon, tantu na públiko ku ta bin mira e kareda komo tambe e damanan ku ta registrá pa nan partisipashon. Un biaha mas por mira atras na un eksitoso evento. Riba fotonan athuntu por haña un impreshon di e momentu di premiashon i parti di e kareda ku a tuma lugar den fin di siman na Renaissance Mall & Rif Fort.