WILLEMSTAD –Novèmber 2015– Djabièrnè último Carnaval Casino a tene un eksitoso ‘Slot Tournament’. E kompetensia aki ta dediká spesialmente na esnan ku ta hunga slòt mashin; a konta ku partisipashon di 37 debutante i 12 partisipante ku ya a yega di partisipá un biaha. Na final a saka 7 ganador ku a kompetí kontra di otro den e ròndu final – kontra di tempu. Ganadornan di e Carnaval Casino ‘Slot Tournament’ a resultá Ilse Palm, Marie Pierre i Juvenal Davelaar.   

A habri registrashon 6:00pm siguí mesora pa e kompetensia ku a kuminsá 7:00pm. Miembronan di Carnaval Casino ku 200 punto òf mas riba nan karchi di miembresia por a partisipá den e kompetensia meskos tambe miembronan nobo ku 10 punto òf mas. Partisipashon tabata grátis! E kompetensia a konsistí di 7 ròndu di kada unu 3 minüt. For di kada ròndu a elegí un ganador i na final e 7 ganadornan a kompetí kontra di otro den e kompetensia kontra tempu ku a kuminsá 8:45pm. Interesante hasi menshon ku a saka e ganador basá riba e total di punto mas haltu optené den kada ròndu. Tur partisipante a risibí un opsekio di Carnaval Casino komo muestra di gratitut pa nan partisipashon na e ‘Slot Tournament’. Ganadornan di e ròndu final a risibí $300, $125 i $75 kèsh! Carnaval Casino ta felisitá e ganadornan di ‘Slot Tournament’ i alabes ta invitá tur hungadónan di slòt mashin pa keda pendiente pe siguiente ‘Slot Tournament’. Keep it fun: Play Responsibly