…djasabra último despues di Curaçao North Sea Jazz Festival…

WILLEMSTAD:- E ambiente di CNSJ a kontinuá despues di e konsierto di djasabra den e ‘After Party’ di Renaissance Curaçao Resort. Tur aña di nobo e fiesta eksklusivo aki ta hala hopi atenshon, e aña aki esei tabata e kaso un biaha mas. Tur esnan ku a kumpra nan karchi pa e ‘Exclusive After Party’ a sigui disfrutá te den oranan di mainta den e lobby di Renaissance Curaçao Resort. Durante di e ‘After Party’ Jazz Pool a pèrkurá pa tremendo ambiente, a kombiná esaki ku presentashon bibu di DJ Questlove i DJ RO-1. E meskla di músika jazz, pòp i e ‘funcky grooves’ a kai na smak di tur presente. E ‘setting’ i e sètòp di esenario pa e ‘After Party’ a kai na agrado di un i tur, hopi tabata e komentarionan masha positivo di parti di públiko den direkshon di tantu presentashon di e banda, músikonan internashonal i Dj ku a duna presentashon. A klousurá e fin di siman di CNSJ ku un broche di oro. Riba imágennan athuntu un bista di e tremendo ambiente durante di e ‘After Party’ di aña aki den lobby di Renaissance Curaçao Resort