Willemstad- Tabata djasabra último ku KFC Brievegat a habri su portanan bèk despues di un temporada di renobashon. Awòki, klientenan por disfrutá di un KFC mas amplio, un komedor ku por akapará mas kliente i un otro esfera. Ademas di esaki e fachada di e restorant ta konta ku e diseño moderno di akuerdo ku e arkitektura mundial di e frankisia. Empleadonan di KFC Brievengat tabata sumamente entusiasmá ku e idea di por a sirbi nan klientela kustumbrá, esaki naturalmente ku e mesun servisio di kalidat i animo di semper. E mainta di re-apertura a transkurí den bon ambiente, ku animashon i pintamentu di kara pa mucha dor di Tio Armando, transmishon di Radio MAS99 i kobertura di TeleCuraçao. Ademas di esaki a hasi repartishon di eiskrim grátis pa tur mucha i kada 100 kliente a risibí un BOSS Sandwich grátis.“Ta despues di kasi 11 aña, ku ta sera  e restorant pa un renobashon kompletu. Nos ta gradisí, pueblo di Kòrsou i habitantenan di Brievengat i tur fiel kliente pa nan pasenshi”, esaki di akuerdo ku Sr. Randy Maurera. KFC Brievengat ta yama bon bini na tur kliente den nan restorant kompletamente renobá! Riba kombinashon di foto, algun imágen di e re-apertura di djasabra último.