Willemstad– Ku hopi satisfakshon, Curoil por mira bek riba un trabou ekstenso di mantenshon riba e sistema di Curoil Comfort (C2), kual ta e servisio pa kumpra kombustibel na diferente pòmp di gasolin rònt Kòrsou pa medio di un  karchi (karchi di Curoil òf karchi bankario). E mantenshon tabata nesesario pa Curoil por optimalisá e sistema aktual i garantisá un mihó servisio. Trabou di mantenshon na tur e 17 pòmpnan di gasolin ku ta ofresé e servisio di C2 na Kòrsou, a bai eksitoso i a finalisá manera premirá. Ku e mantenshon aki e kliente inmediatamente lo benefisiá di e siguiente puntonan:

• Servisio pa yena kombustibel 24/7 sin sèn kèsh na pòmpnan selektá rònt Kòrsou.
• Kliente por definí promé ku tènk ta kuantu sèn di gasolin e ke tuma.
• Mihó funshonamentu di e sistema ku ta hasi e sistema mas rápido.

Por usa e sistema di Curoil Comfort (C2),  ku e karchi di C2 i tambe karchinan di banko na e siguiente pòmpnan na Kòrsou: Muizenberg, Cas Chikitu, Sta. Helena, Isa Juan Domingo, Isa Saliña, Tera Cora, Sta. Rosa, Pablo Frederick, Hanenberg, Parera, Biesheuvel, Scheidelaar, Buena Vista, Colon, Cas Cora, Emmastad, Ruyterkade. Curoil ta gradisí klientenan ku ta hasi uso di e sistema di C2 pa nan indulgensia durante e dianan di mantenshon.  Di e manera aki den koperashon ku e pòmpnan menshoná  Curoil ta sigui brinda mihó servisio na su klientenan.