WILLEMSTAD –Mart- Tabata djasabra último, hustamente riba ‘Dia di Hende Muhé’ ku Renaissance Mall i Rif Fort  a duna inisio na otro grandioso ‘Ladies First Spring Campaign’. Loke mas a hala atenshon tabata e desfile di moda ku un biaha mas a kousa un impakto grandi. Durante di dia a ofresé diferente workshop grátis e.o di trahamentu di kòktel, trahamentu di joya, baile di kizomba i makiyahe. Ademas di esakinan Renaissance Mall i Rif Fort a brinda un skina di Spa pa tur esnan ku tabata deseá di risibí informashon òf djis un tratamentu spesial ‘on the spot’. DJ RO-1 i DJ NRG a pèrkurá pa tremendo ambiente durante di henter dia i durante di e show di moda. Tur esnan ku ya ta konosí ku e grandioso kampaña aki ta pendiente pa e popular Stiletto Run ku lo tin su di 5 edishon e aña aki dia 26 di Aprel próksimo. Pa inskripshon den e Stiletto Run por yama 4355023 òf 4355022.