Willemstad – JCI Dutch Caribbean a konosé un January Turnover Meeting 2014 hopi eksitoso dianan 17 i 18 di yanüari ultimo. JCI IOBA Curaçao, un di e 4 organisashonan lokal di JCI na Kòrsou, a organisá e evento Nashonal aki, kaminda miembronan, senadornan i invitadonan a bini huntu pa reuní, partisipá na kursonan interesante i disfrutá di aktividatnan sosial. Junior Chamber International (JCI) ta un organisashon mundial di hoben entre 18 pa 40 ana ku ta kompartí e kreensia ku pa krea un kambio positivo, nan mester mehorá nan mes i e mundu ku nan ta biba ariba. JCI su 200,000 miembro ta buska solushonnan duradero pa problemanan den nan komunidat pa medio proyektonan komunitario i empresarial. Tambe JCI tin proyekto pa desaroyo individual di e miembro. Ademas e organisashon tin un dimenshon internashonal.  JCI Dutch Caribbean ta konta ku 6 organisashon lokal den e reino ulandes karibeño kual ta: JCI Willemstad, JCI IOBA Curacao, JCI Universities of Curacao, JCI Curacao Wayaca, JCI Aruba, JCI Young Active Leaders of Aruba i JCI St. Maarten. E evento, a tuma lugá na Jeugd Centrale Curacao i a konta ku mas ku 40 partisipante di Kòrsou y Aruba. Durante di e dos dianan aki JCI IOBA Curaçao a sa di trese un programa hopi variá i atraktivo dilanti pa hóbennan di Kòrsou, Aruba. Durante di e January Turnover Meeting 2014, e direktiva nashonal di 2014 a reuní ku e organisahonnan lokal di JCI ku ta establesi na Korsou, Aruba i Sint Maarten. Durante di e reunionan aki a diskuti e plannan i proyektonan pa 2014. Un di e metanan prinsipal pa aña 2014 ta pa realisá kresementu di e organisahon di JCI riba nos islanan dor di atrae mas hoben pa bira miembro. Ademas durante di 2014 organisashonan di JCI lo kondusí proyektonan pa trese un kambio positivo i duradero den komunidat. Durante di e January Turnover Meeting miembronan di JCI y invitado nan por a partisipá na dos diferente workshop.  Durante e training “You can’t eat your cake and have it too” kondusí pa Sra. Neysa Schoop-Isenia tabata partisipante nan por a haña balioso teps  kon pa siña traha pa jega na un stabilidad finansiero . Durante e kurso “It Takes Three to Tango” kondusi pa Sra. Deva-Dee Silliee partisipante nan por a  siña kon kolaborashon “cross sector” lo por benefisia desaroyo di nos komunidad. Banda di e reunionnan formal i kursonan, e partisipantenan por a bishita aktividatnan sosial tambe. Riba djabièrnè tabatin un seremonia di apertura ku a tuma lugá na Chindys Restaurant. Parti mainta riba djasabra a tene un tremendo Showcase forum kaminda representante nan di JCI YALA y JCI Willemstad  a presenta  na  miembro y invitado nan, projekto nan sumamente interesante  kual tabata “Life is precious, we can make it better -Living a better life with Diabetes” y “Kreando Lidernan Hoben.  Parti atardi riba e dia aki, esnan presente por a presensia charla nan interesante di profeshonal nan  tokante manera nan pa kondusi  un estilo di bida mas saludabel.  Kolaborando  na e Projekto di Impacto aki tabata  tin; Dr. Jacobus, Sra. Rachna Blom di In Balance,  Sr. Hayrich Juliana komo instruktor di  Crossfit y Sra. Rosetna Martinus ku un methodo nobo di baila y baha di peso “Slim Down Dancing”  Djasabra anochi tabatin un fiesta di klousura fenomenal  na Finca Farandula ku a hiba e tema di “La Fiebre Colombiana”. Un danki ta bai na tur ku a aportá pa hasi e reunion nashonal aki un eksito rotundo, espesialmente na e patrosinadornan prinsipal Insel Air i Coca Cola.