Empleadonan a keda rekonosé pa nan bon servisio

WILLEMSTAD- yanüari 2016 – Tur luna Marriott Resort Curaçao konhuntamente ku Emerald Casino ta tene nan ‘ban topa’ na unda ta selebrá ku tur asosiado di e hotèl. Ta pone un atenshon special riba tur empleado ku a sobresali dunando un servisio eksepshonal na kada huéspet i durante Marriott Curaçao Resort su ‘All Host Gathering’ ta rekonosé tur e empleadonan ku a pèrkurá pa servisio ekselente durante e respektivo luna.

Promé ku e rekonosimentu pa aña 2015 a tuma lugar, a rekonosé 3 asosiado ku a sobresali pa nan servisio; pa luna di òktober a rekonosé Marie Servania (Housekeeping), pa novèmber Jonathan Pietersz (Purchasing) i pa desèmber Marvin Baker (Banquets). Komo e supervisor di e último kuartal a rekonosé Anabella Luciana (Food & Beverage).  Ta importante hasi menshon ku pa por yega na bira empleado di aña, e empleado mester a yega di ta un empleado di luna promé. Entre tur e 12 empleadonan ku a keda rekonosé durante aña, ta selektá esun ku a sobresali mas i ta rekonos’é esaki komo e empleado di aña.

Komo e empleado di aña 2015 a rekonosé Neka Lebar (Casino), komo e Supervisor di aña 2015 a rekonosé Raquel Ed dhabi-Provence Arias (Banquets) i komo mènedjer di aña 2015 a rekonosé Alan Honer (Loss Prevention). Pabien na tur empleado ku a risibí un rekonosementu i tambe na tur ku ta kumpli tur dia di nobo ku e meta di sirbi tur huéspet di akuèrdo ku e stándartnan haltu di Marriott Resort Curaçao.