Willemstad, Djadumingu tras di lomba tabatin e di dos esdishon di “Curaçao Best of the Best-Futsal” den kual San Lucas a sali ganado den e tremendo torneo di futsal organisa pa “Curaçao Best of the Best Organization” For di djasabra tabatin 16 team kompitiendo pa e titulo di kampeon. Di e 16 team nan ta Air Boys i San Lucas a bai final. San Lucas a gana ku un skore di 5 pa 2 gol. Dos dia karga ku hopi emoshon pa loke ta trata e kompetensha. Ademas tabatin un tremendo ambiente kaminda tur hende por a disfurta di un bon musika i un bon torneo. E organisashon ta gradisi tur e teamnan ku a partisipa na e torneo aki. Un pabien na San Lucas ku a sali ganado apsoluto di e dos edishon di “Curacao Best of the Best fusal” i na e prome finalistanan Air Boys. Naturalmente un danki na Cocacola, The Jongh`s sporthuis, Lifeline Fintness i Been Barry pa hasi e torneo aki posibel.