Willemstad, Despues di e eksitoso di “ Bululu riba ruta di Karnaval” Edion (Loloy) Booy, Germain (Ma Yeta) Jansen i Percey (Boskwiri) Benita a bin ku e komedia nobo “ Shon Chi, Cha ku Chu tei Konta bo Bieu” Djarason aki 18 yuni 8or di anochi na La Tentashon. Siman pasa tabata e gran estreno di e komedia “ Shon Chi, Cha ku Chu tei Konta bo Bieu” Un obra edukativo ku ta hibabu den pasado, chek e presente i pensa riba e futuro. Un sala kompletamente yen a disfrutá di e tres komediantenan aki ku nan 6 personahe. E promé parti di e komedia nos ta haña Dji (Percey), Òlò (Germaina) ku Rast (Edion), e nietunan di Chi, Cha ku Chu. Nan ta konta di e kosnan ku ta sosodé den e tempu di awor. Den e di dos parti nos ta haña Shon Chi ( Percey ), Cha (Germain) i Chu ( Edion) ku ta konta di e tempu di ántes. Susesonan manera entiero, pidimentu di man, fiesta etc ta tópikonan ku ta bin dilanti. Un komedia sin palabra malu i edukativo ku niun hende no por pèrdè! “ Shon Chi, Cha ku Chu tei konta bo Bieu” djarason 18 yüni 2014 na La Tentashon 8or di anochi. Karchi ta na balor di Nafl 30,- optenibel na takia di Teatro Luna Blou, Time to Time (Saliña) i Servei (St. Maria). Buska bo karchi pura pa abo no keda afo!!! NOTA: Orario di takia na Luna Blou lo ta djamars pa djabièrnè di 4or di atardi pa 8or di anochi. Djasabra i djadumingu di 1or di atardi pa 8or di anochi.