Willemstad – Eating For Charity ta un evenemento ku ta tuma lugá na Kòrsou di 19 pa 23 di novèmber. E meta di e evenemento ta pa kolektà fondo pa Fundashon ‘Un man pa komunidat’ (‘A hand for a fellow citizen’), ku yudansa di un gran kantidat di restorant riba nos isla. Kada restorant ku ta partisipá ta pone un plato speshal (charity special) riba nan menu die kua 5 florin lo bai pa e fundashon. Meta di e fundashon ta pa yuda siudadano ku ta konfrontá ku pobresa i kas den mal estado pa medio di solushon práktiko. “Tur hende ku ta kumpra un special, ta haña un lòt ku kua por gana diferente premio atraktivo”, presidente di e fundashon Kim Russel ta splika. E kolekshon di premio ku por gana ta konsistí di: 5 ticket di Insel Air di kua 2 pa Aruba, 1 pa Boneiru, 1 pa Medellin i un pa Miami; 5x parasailing na Parasailing Curaçao;  3x un jetski ride na RonRon Watersports; 3x introdive di Curaçao Watersports; 5x aquafari tour di Aquafari; 5x dushi slippers di Shirts & Words; 5x un pakete di CurAloe i 5x un pas pa laba outo na Bob Autowas Curaçao. Restorant ku ta partisipá ta: L’Aldea, ASK For Food, Bean Berry, BijBlauw, Bijna Thuis, Boca 19..,  Boosty, Burger Bar, Creamy Pastries (Amy Marion),  Cristal, Déjà Vu, Douwe Egberts Café, E Laternu, El Mexicano, Fishalicious,  Karakter, Mijn Broodje, New York, Restaurant No.5, Omundo, Osteria Rosso, Pirate Bay, Rock Beach, Saint Tropez Ocean Club, Salt & Pepper, Sambal, Scuba Lodge, Seasons, Tinto, Café De Tropen, Pleincafé Wilhelmina, Zambezi Ostrich Farm, Zanzibar i Zest. Lo rifa tur premio riba djarason 3 di dezèmber na Paradise FM (entre 12.00 i 14.00 or). Lo publiká tur ganadó riba e página di Facebook: ‘Eating For Charity’, ‘Un Man Pa Komunidat’ i ‘Dushi Eten en Drinken in Curaçao’.