ORANJESTAD – Earth Wind & Fire hunto cu Grupo Niche lo ta e grandinan pa e Caribbean Sea Jazz Festival dianan 25 y 26 di september na Aruba. Esaki a keda anuncia diaranson durante un conferencia di prensa. Banda di e dos grandinan aki, lo tin tambe Maite Hontelé. E organisacion a priminti cu durante curso di siman, lo tin mas artista anuncia. E sitio di concierto ta keda Renaissance Festival Plaza. Mes momento e organisadonan a anuncia un EARLY BIRD TICKETS PA CARIBBEAN SEA JAZZ FESTIVAL OBTENIBEL AWOR… Bo ta kla pa pasa un fin di siman gosando di musica y arte? E di 9 edicion di Caribbean Sea Jazz Festival ta na caminda y lo tuma lugar ariba 25 y 26 di September 2015. Bin gosa di e tremendo ambiente cu Grupo Niche ta trece cu ne, baila riba e funky sounds di Earth, Wind & Fire Experience, scucha jazz Caribense di Maite Hontelé, kende alabes lo revela su album nobo ‘Te voy a querer’ exclusivamente pa Aruba of di trompetista Roy Hargrove HR Factor. Esaki nan ta djis algun di e artistanann cu lo cover Renaissance Festival Plaza den un ambiente unico y ameno. Desde awe, 10 di juni, por cumpra karchinan den Early Bird sale pa solamente $40 pa anochi na Superfood of ariba www.caribbeanseajazz.com. E oferta aki ta valido te cu 30 di juni, 2015. Despues di esaki a prijs lo bira $55 pa anochi den pre benta y na porta esaki lo bira $70 pa anochi. Pues no basila y probecha di e tremendo oferta cu tin awor pa solamente $40 pa anochi pa asina aki abo tambe por spaar placa. The Art Gallery lo percura pa un experencia unico di arte y culinario caminda cu lo tin exposicion di arte local como tambe diferente stands di cuminda local. Ademas e aña aki tin un componente nobo caminda cu organisacion di Caribbean Sea Jazz Festival a team up cu TedX. TedX lo tuma lugar na Aruba den e siman prome cu Caribbean Sea Jazz Festival, sigui pa restaurant week. Organisacionnan a traha hunto pa asina aki por plania tur e tres eventonan aki den e mesun siman cu e vision cu ta kere den e balor di combina cultura, negoshi y relahamento. E siman aki ta wordo jama awor Aruba Inspiration Week. Pa bo keda bon informa ariba e desaroyonan di Caribbean Sea Jazz Festival 2015, like nan pagina ariba www.facebook.com/CaribbeanSeaJazzFestival y bishita nan website na www.caribbeanseajazz.com Un danki special na e patrocinadornan kende nan ta Aruba Tourism Authority, Aruba Airport Authority, Insel Air, Renaissance Aruba Resort & Casino, Tropical Bottling y Divi Resorts.