Willemstad – Debí na bastante petishon TDS ta presentá e popular komedia ChòpòChòpò fo’i djárason 21 te ku djadumingu 25 di ougùstùs via Pay-Per-View. Durante 2019, e obra ChòpòChòpò a kibra tur rèktòr, ora ku nan ‘sold out’ mas di 10 sala den Because. ChòpòChòpò ta trese un rekuento humorístiko di diferente tópiko ku a bira notisia den komunidat i tambe riba retnan sosial.

Den nan estilo úniko, e popular aktornan Percy ‘Boss’ Benita, Edion ‘Loloi’ Booi, Cynthia Martina, Esandro ‘Èncho’ Henrique i Uthsel ‘Boy’ Viktoria lo sòru pa bo hari bai plat. Pues tur esnan ku pidi nan PPV, ta garantisá ku nan por sinta trankil na kas i disfrutá durante 2 ora largu di e tremendo obra.

Pa solamente ANG 25,= klientenan di TDS por pidi nan PPV via 9242 òf riba www.tds.live E popular komedia lo pasa for di djárason 21 te ku djadumingu 25 di ougùstùs tur anochi 19:30 ku ripitishon 22:00 riba kanal 75 i 76HD di TDS