Konstrukshon Carrefour ta avansando segun skema

Despues ku den luna di Sèptèmber último a anunsiá entrada di Carrefour aki na Kòrsou, espektativanan pa e supermerkado ta haltísimo. Ta trata di un supermerkado ku lo okupá 2300 meter kuadrá, mas 300 meter kuadrá pa e café, i lo tin su entrada prinsipal na e parti mas pabou di Sambil. E konstrukshon di e supermerkado ku pronto lo habri su portanan ta kanando satisfaktoriamente i riba skedjùl. Sr. Aubry Regina, representante lokal di Carrefour ta splika ku e konstrukshon ta segun skema i ku pronto Kòrsou lo tin un supermerkado lokal, den un bachi internashonal. “Diariamente ta puntra nos ki dia Carrefour lo habri su portanan; loke mi por bisa ta, pronto! No falta muchu mas. Nos ke invitá pueblo di Kòrsou pa nan keda pendiente di nos página di Facebook. Carrefour lo bai ofresé produktonan di kalidat Europeo na preisnan atraktivo di manera ku e konsumidó por disfrutá. Carrefour ta e kadena di supermerkado mas grandi na mundu despues di Wal-Mart. Esaki ta trese kuné un portofolio grandi i variashon inmenso di produkto. Keda pendiente pa e fecha di apertura di Carrefour.