E arena di urban/hip-hop na Kòrsou a konosé un “boost” pa medio di e proyekto “Magnum Rap Battles” (MRB). For di e promé edishon MRB i su kampion ‘Slim’ a kousa un impakto den e ‘urban-world’, aworaki den e segundo edishon lo adapta i bira mas grandi ku tayernan super interesante ku ta siña e historia i talento di rèp duná pa rèppernan di hopi eksperensia. E aña aki ta introdusi un liga nobo den e torneo ku ta envolvi rèpernan ku ta rèp den e idioma spaño (habla hispano). E ganadó di kada liga (papiamentu i spaño) lo risibi FL. 750 i ‘studio-time’ komo premio. Djasabra proksimo 7 di mart lo tin e prome parti ku ta e oudishon pa rèpernan, di dos’or (2pm) te ku kuat’or (4pm) di atardi na La Tentashon. E edat mínimo pa partisipa ta 12 aña i e maksimo ta 25 aña. Si bo ta òf konose un rèper ku ta interesa pa demostra su talento, tuma kontakto ku Gregory Ustasia na +5999-6717854 pa mas informashon òf check Facebook: Magnum Rap Battles.