Digicel Roadshow ku ofertanan realmente ekstraordinario

WILLEMSTAD, Kòrsou- Desèmber 2014: E temporada aki Digicel ta yega te na unda ku bo ta, ofresiendo un kantidat enorme di oferta. E asina yamá ‘Road Show’ di Digicel ya ta hopi popular i usuarionan di e kompania ta pendiente p’e tur fin di aña. Den fin di siman tras di lomba ya a kuminsá ku e bishita na diferente barionan; den e saku di Sanikolas tabata tin algun oferta realmente ekstraordinario! Riba e pregunta kiko ta un regalo ideal, Thessa Fleming ta kontestá, “Un regalo ideal, ta unu ku ta ‘fit’ e persona perfektamente, teniendo kuenta ku su estilo di bida, su karakter i naturalmente su budgèt. E regalo ideal no mester ta kostoso sino signifikativo. Digicel tin e regalu ei, sigur ora ta trata di mantené tur hende konektá ku otro”. Tip di Regalu: E Alcatel C1 smartphone a bira e telefon mas gustá e temporada aki; e preis di NAf 79 ta inkluí 20 florin di krédito pa hasi yamada. Kumpr’é na e próksimo ‘Digicel Roadshow’. Ya kaba tin tres tras di lomba. E promé salida tabata na Digicel Biesheuvel na unda ku un gran kantidat di hende a probechá di e ofertanan. Djasabra último, e ‘tènt’ di Digicel tabata na Bon Bini Supermarket den bario di Brievengat i djadumingu na Cost U Less pa e bario di Sta. Maria. “E reakshon pa e ‘Digicel Roadshow’ ta tremendo; esaki ta di komprobá no únikamente na e benta pero tambe na e fila di persona ku ta para warda nan bùrt pa kumpra nan telefon.”, asina Thessa Fleming a kontinuá.  Miéntras ku klientenan ta warda nan bùrt, nan ta risibí informashon tokante e oferta, algu di bebe, pòpkòrn i otro kosnan di boka dushi. Pa e muchanan tin oportunidat di rekreá riba bouncers. E próksimo ‘Digicel Roadshow’ lo tuma lugar riba djasabra 20 di desèmber i djadumingu 21 di desèmber di 9 ‘or di mainta pa 3 ‘or di merdia, lo anunsiá e sitionan pronto riba Digicel su pagina di facebook. Keda pendiente pa e próksimo salida di Digicel, ya ku lo ta e último oportunidat pa kumpra e telefonnan na preis di oferta pa pasku. Pa mas informashon di e ofertanan ekstraordinario aki balido únikamente pa e temporada di fin di aña, bishitá un Digicel Road Show, e página di facebook https://www.facebook.com/DigicelCuracao òf e wepsáit http://www.digicelcuracao.com.