Kompras na balor di 1000 florin i un Blackberry Q5

WILLEMSTAD/ DECEMBER 2013:- E promé ganadornan di e kampaña di fin di aña di Digicel a bira konosí! Manera tur hende sá, durante di e fin di aña aki Digicel ta regalando un kantidat grandi di premio na pueblo di Kòrsou, entre nan plaka kèsh, diferente otro produkto i tambe ‘sakunan’ di kompra na balornan signifikante. Tabata djamars mainta ku e promé ganadornan di e kampaña a bishitá Digicel Biesheuvel pa risibí nan premio. Sra. Vivianca Wiel, por kore su garoshi den Centrum Supermarket sin prekupashon ya ku e’la gana Nafl. 1,000 na kompras pa pasku, un premio ku durante di fin di e aña aki sigur lo rende. E úniko kos ku Vivianca mester a hasi ta, rekargá su kuenta ku 10 florin òf mas i ya kaba e tabata partisipando pa gana e ‘Saku di Kompra pa Pasku’ na Centrum Supermarket. Ademas di esaki tambe a saka e premio semanal di e promoshon ‘Kiko tin den e Saku?’- tabata Sra. Deline ku a gana su Blackberry Q5 dor di SMS e montante ku e ta kere e saku ta bal na 7171. Kada siman lo saka un ganador i na final di e kampaña lo saka e ganador apsoluto di e saku. Ámbos ganador a risibí nan premio for di Srta. Thessa Felming, relashonista públiko pa Digicel Kòrsou. Tin hopi premio mas pa wòrdu ganá, no pèrdè bo oportunidat di bira un felis ganador! Gana premio tur siman dor di sea, rekargá ku 10 florin òf mas, aktivá un pakete One Rate, rei e balor di e saku di Papa Pasku i SMS na 7171 òf kumpra 50 florin òf mas na kualkier establesimentu di Digicel. Kòrda bishitá e página di Facebook di Digicel na unda ku bo ta haña e tipnan nesesario pa yudabo den e búskeda di e Nafl. 20,000 kèsh den e saku di Papa Pasku ku ta pèrdí! Tambe por skucha e “clue”-nan semanal na Radio Direct Life 92 i Radio Mas 99, tambe mira nan tur djarason den notisia na CBA televishon i TeleCuraçao.