WILLEMSTAD: Resientemente Digicel a hasi entrega di un chèk di $5000 na e promé ganadó na Kòrsou di e fenomenal ‘Shake To Win’. Lina Pereira, Marketing Manager pa Digicel Kòrsou ta indiká ‘Shake To Win’ di Digicel ta super popular i ku míles di usuario di Digicel Kòrsou ta partisipá semanalmente via di nan MyDigicel App. “Nos ta masha kontentu di por hasi entrega di $5000 na e promé ganadó di Kòrsou. Den e tempu difísil aki, e premio ta yega manera un bientu positivo. Digicel ta kontentu ku di un manera interaktivo por mantené su klientenan komprometé ku e marka i ku chèns di gana hopi premio! Nos ta felisitá Earlie Albertus ku su premio i ta dese’é hopi suerte i felisidat!”

Tur djasabra tin chèns di gana premionan fantástiko garantisá ku ‘Shake To Win’. Klientenan di Digicel por gana sèn kèsh, data, krédito pa yamada, i diferente kadóbòn- garantisá unabes nan ‘sakudí’ nan telefon den e wega dinámiko di Digicel. Ademas di esei, di djaluna pa djabièrnè tur kliente tin chèns di risibí un yamada di Radio Mas, durante di e yamada lo puntra 2 karakterístika di MyDigicel App, si e oyente duna e kontesta korekto e lo gana sèn kèsh e momentu ei! Ya ta aproksimando mas di 100 ganadó ku a gana sèn kèsh via di e yamadanan spontáneo di Digicel.

‘Shake To Win’ pa gana premionan fantástiko!

Deskargá MyDigicel App òf aktualis’é riba bo telefòn. Unabes bo aktivá kualke bundle òf data plan via di MyDigicel app bo tin chèns di GANA premionan espektakular! Klik e ‘smiley face’ bèrdè na man drechi di e pantaya i ‘sakudi’ bo telefon ku chèns di gana premio. Klientenan postpago tambe por ‘Shake’ tur djasabra i gana premio garantisá. Download MyDigcel App grátis awe mes via Google Play Store of App Store. Bishitá www.digicelcuracao.com pa keda informá di tur kondishonnan aplikabel den e kampaña aki.