WILLEMSTAD– yanüari 2016– Tabata djasabra último ku e promé tres ganadornan di ‘Carnaval Madness’ a wòrdu saká for di e tómbola di Carnaval Casino.  Kada un a risibí e oportunidat di drenta den e ‘cash cube’ i purba gara mas tantu sèn ku nan por den 20 sekònde di tempu.

Manera tur hende sa partisipashon den ‘Carnaval Madness’ ta masha fásil; e partisipante ta risibí 1 kupòn digital pa kada 15 punto akumulá riba nan karchi di miembresia. Hungadónan di wega di mesa tambe por partisipá den ‘Carnaval Madness’. Semanalmente tin oportunidat di drenta e ‘cash cube’ ku chèns di gara Naf 5,000 tur siman! Siman pasa djasabra den e promé sorteo, Marselva Paulina a logra gara 710 florin, Noraly Meulens  a logra pèrsistí i a bai kas ku 665 florin pa finalmente Rudy Wanga pone tur forsa huntu i gara 620 florin.  E idea ta pa tur partisipante gara mas tantu sèn posibel miéntras e airu fuerte ta supla e plaka den e kúbiko di glas.  Próksimo sorteonan lo ta djasabra awor dia 16 di yanüari sigui pa 23 i 30 di yanüari, 2016 pa 9’or di anochi. Riba fechanan ku ta saka e ganadornan, tur partisipante mester ta presente ku un identifikashon bálido pa drenta e ‘cash cube’ e mesun anochi. Pabien na e promé 3 ganadornan. Pa mas informashon riba e reglanan di ‘Carnaval Madness’ por pasa na e “Players Center” den Carnaval Casino òf yama 435-5089. Partisipantenan den kampaña mester tin 18 aña òf mas. Kampaña lo ta vigente te ku yanüari 30, 2016. Dibertí; pero semper responsabel. Bishitá Carnaval Casino i forma parti di e selebrashon di nan 7 aniversario partisipando den e ‘Carnaval Madness’.