Shop & Win premionan fabuloso!

ORANJESTAD – DEC–  Gana un biahe pa New York incluyendo hotel, un weekendstay na Renaissance Aruba Resort & Casino y diferente otro premio mas den e ‘Shop & Win’ di Renaissance Mall. Experencia Pasco y Fin di Aña cu cada paseo di compra! Pa cada compra di 50 florin entre 16 pa 31 di december proximo ricibi un coupon cu lo dunabo chens di gana diferente premio fantastico e fin di aña aki. 

Den transcurso di 2017, Renaissance Mall a mantene su posicion como e mall cu mas variacion di marca y definitivamente esun cu Aruba gusta. No ta un secreto cu e Arubiano gusta paña di bon calidad y di marcanan superior. E Pasco aki malcria bo mes! Renaissance Mall ta cas pa marcanan manera Louis Vuitton, Gucci, Rolex, Prada, Dolce & Gabbana, Cartier, Chopard, CH Carolina Herrera y mucho mas.

Gana diferente premio!

Presenta bo recibo di compra na e promo booth den Renaissance Mall y cambia esaki pa un coupon. Dia 3 di januari proximo lo saca e ganadornan cu lo tin chens di gana diferente premio atractivo. Entre nan, un cena pa dos persona na L.G. Smith’s Steak & Chophouse, lunch pa dos persona na Aquarius Restaurant, cena pa dos persona na Fresco Restaurant, un Royal Romance na Okeanos Spa, un Gift Certificate di $100 y manera ya anuncia un biahe pa New York incluyendo hotel y un weekendstay na Renaissance Aruba Resort & Casino. Wow!

E Shop & Win di Renaissance Mall semper tabata un gran faborito y e aña aki no ta un excepcion. Cu mas di 60 establecimento, restaurant y café, Renaissance Mall ta haci di bo experencia di compras e fin di aña aki uno realmente excitante. Establecimentonan ta habri di dialuna pa diasabra for di 10’or di mainta pa 7’or di anochi. Durante di e fin di aña aki lo ta habri riba 17, 24, 26 i 31 di december for di 10’or di mainta pa 2’or di merdia tambe. Happy Shopping!