Dia 30 di September den Aruba Entertainment Center

ORANJESTAD, Aruba – 15 di September 2016:  “No ta facil pa logra forma un elenco di bandanan asina popular riba un solo escenario. Ta pesey nos di Brouwerij Nacional Balashi ta masha orguyoso di e logro aki”, asina Michel Bermudez di Brouwerij Nacional Balashi a duna di conoce. A anuncia “Chill The Concert Aruba” pa prome biaha cu 4 top banda, Cache Royale, Gentz, Buleria y Tsunami, hunto cu “Jeon” cu lo presenta riba escenario dia 30 di September 2016 den Aruba Entertainment Center.

Carchinan pa e evento unico aki ta na benta caba, e prome ticketnan costa 35 florin y e prome 500 ticket nan ta inclui dos cerbes Chill, cu ta e patrocinado principal di e evento aki. E ticketnan ta disponibel na El Gallo Rojo, Tinashi y na Hamaca Sidewalk Café.

Brouwerij Nacional Balashi, siendo e sponsor orguyoso a bisa cu ta premira un evento grandi. Como e unico cerbes fresco prepara y produci na Aruba, Balashi semper ta cla pa sostene nos bandanan local, specialmente ora ta organisa tipo di eventonan di kita sombre asina. “E biaha aki nos ta masha contento cu nan a dicidi di bin cu un ‘line up’ asina fuerte di bandanan cu ta toca ritmonan combina”, di acuerdo cu Mitch Bermudez.

Brouwerij Nacional Balashi ta contento pa anuncia cu e prome 500 personanan cu cumpra ticket lo haya dos cerbes gratis ora nan drenta concierto. Esunnan interesa den e seccion VIP por yama 744-6480 pa haci nan reservacion

“Chill ta bay t’ey….Dewars ta bay t’ey y tambe lo tin seccion di VIP unda por cumpra boter di Dewars, Bacardi of Grey Goose, banda di un liña extenso di otro productonan cu tambe lo ta disponibel durante e concierto di aña aki”. Mitch Bermudez a sigura cu Chill The Concert lo ta grandi y ta invita pueblo completo di Aruba pa disfruta di “Chill The Concert”.