Otro establecimento di renombre na Renaissance Mall

ORANJESTAD – NOV– Ta sigur cu e fin di aña aki Renaissance Mall lo ta punto di encuentro pa tur fashionista. Ta bolbe amplia e portofolio di primera cu un otro establecimento, e biaha aki ta trata di e marca renombra, Castañer. E marca ya caba a inclui Aruba como un di su mercadonan y Renaissance Mall ta contento di anuncia apertura di Castañer na Aruba!

E cas di Castañer a keda funda na aña 1927 y ta un marca lider den sapato. Interesante subraya cu Castañer ta produci y fabrica pa casnan manera Hermès, YSL y Chanel. E compania ta keda maneha pa e tercer generacion di e famia propietario. Actualmente tin 22 establecimento, 17 di nan ta na Spaña y e otronan ta reparti na Francia, Chile y for di e luna aki tambe na Aruba. Castañer ta ofrece sapato pa dama y cabayero, acesorio, paña y un coleccion unico di sapato specialmente pa bruid.  Sapatonan di Castañer ta distingui nan mes dor di nan estilo comodo; a rediseña e estilo di alpargata completamente, haciendo e sapato trendy, sexy y kisas te hasta elegante!  Castañer den Renaissance Mall ta refleha su diseño signatura; rekinan di palo pa accentua y tononan maron y beige den henter e pacus. Por bishita Castañer di dialuna pa diasabra for di 10’or di mainta pa 7’or di anochi y pa dianan di fiesta lo tin orarionan extendi.