Sr. Roland Joseph a gana su pakete di biahe pa Las Vegas!

Willemstad – NOV 2018: Tur luna Banco di Caribe ta rifa un destinashon diferente den su kampaña ‘Travel Madness’. Luna pasá tur kliente ku a apliká pa un hipoteka, fiansa personal, fiansa pa outo òf un tarheta di krédito na Banco di Caribe por a partisipá pa gana un biahe pa dos persona pa Las Vegas inkluyendo estadia i un MultiCard ku 1,000 dòler pa gasta. E luna aki e destinashon ta Jamaica!

Oferta spesial pa hipoteka den Travel Madness di Caribe

Durante e kampaña ta ideal pa probechá sera un hipoteka ya ku ta ofresé un pakete di insentivo ku lo bo haña solamente na Banco di Caribe i únikamente den ‘Travel Madness’. Risibí un interes di 4.85% pa e promé 4 añanan, gastu di notario grátis (te un máksimo di 2,000 florin), rapòrt di tasashon grátis (te un máksimo di 250 florin), i posibilidat di 100% finansiamentu. Ademas di e chèns pa gana un biahe pa 2 persona e luna aki pa Jamaica, klientenan por probechá di un seguro na midí ku e hipoteka òf fiansa. E kampaña ta bálido te dia 31 di desèmber 2018.

‘Jamaica here we come!’

Jamaica ta un pais ku un naturalesa impreshonante i ta famá komo e pais di orígen di músika ‘reggae’. Apliká awe pa un hipoteka, fiansa personal, fiansa pa outo òf un tarheta di krédito na Banco di Caribe i partisipá! Lo anunsiá e ganadó na komienso di luna di desèmber. E tómbola di ‘Travel Madness’ ta akumulativo, ku ta nifiká ku si bo no a gana luna pasá, bo ta keda den e tómbola pa e luna aki. No lubidá di ‘like’ e página di Facebook di Banco di Caribe i partisipá den e ‘Facebook Challenge’. ‘Share’ e ‘post’ ku chèns di gana tur luna un MultiCard ku $50. Bishitá www.bancodicaribe.com pa mas informashon i e kondishonnan ku ta aplikabel pa ‘ Travel Madness di Caribe’ i e ‘Facebook Challenge’. Pa mas informashon por yama 4323200.