Despues ku e tabatin pa dos anja konsekutivo konsiertonan ku tabata sold out, un kos Junior Tecla ta sigur di dje: Tin un hamber enorme pa reggae na Korsou! E kantante di “Tribute To Bob Marley” ta wordu konstantemente aserka dor amantenan di muzik ku ta pidie mas presentashon reggae. Apesar ku nan Korsou hendenan ta stima reggae, tin falta di bandanan professional di reggae. Esaki ta loke a motiva Tecla pa lanta un banda professional di reggae: VibeNation. “Mi a skohe algun talento nobo local huntu ku algun musiko international di reggae pa krea un “all start reggae band”. Tokado di bas Ronle Rouse i drummer Gregory Pataca tur dos ta musikonan ku hopi eksperensha riba e plataforma internashonal i nan tur dos a jega di toka ku varios artista konosi manera Maxi Priest, i Gyptian. Tambe nan a jega di tour na diferente kontinente ku Junior Tecla i Rootsriders. Farley Fairbairn, kende ta konosi pa su passion pa reggae i su presentashonan ku ta zona manera un tremendo artista di reggae jamaikino, ta e kantante prinsipal di VibeNation. Farley tin varios anja  kantando reggae i e ta kla pa bai un nivel mas eleva. Jenaldo Angel, ruman homber di Farley, kende ta esun ku a alimenta e amor di reggae den Farley, ta e otro talentoso drummer di VibeNation. Eric Hoegee ta e perkushonista ku ta toka ku su alma i ta wordu motiva dor di su ferviente dedikashon i amor pa muzik. E poder di reggae ta ku e ta uni hende di diferente rasa i klase. E manager di VibeNation Junior Tecla ta bisa ku VibeNation ta kla pa start atrobe un revolushon di reggae na Korsou i e ta invita tur hende bini Hemingway Beach Bar djasabra awor, 8’or pa lansamentu di VibeNation i un presentashon speshal ku lo refleha loke reggae ta duna nos: ONE LOVE! Entrada ta gratis.