“Magnum Rap Battles” (MRB) a demostrá un bes mas e gran impakto ku e tin den e arena di urban/hip-hop na Kòrsou. E di dos edishon a konosé un kresementu supstansial kaminda mas di 150 persona a bishita e torneo final, i diariamente nan medionan sosial a konosé pik di 1500 ‘viewers’ pa dia. Despues di lunanan di tayer i preparashon, 2015 a konosé Naythan ‘Killum” Oseana komo ‘free-style-rapper’ kampion di e liga papiamentu i e aña aki a introdusí e liga spañó kual e kampion a resultá ‘Yoan Activo’. Ámbos a gana komo premio 750 florin, i lo hiba presentashonnan un aña largu komo e kampionnan di rèp den nan idioma. E lidernan di e proyekto Gregory Ustasia i Reuel Rogers por mira bek riba un torneo super eksitoso i ku espasio pa kresementu den e ‘urban-world’. Pa mas informashon por tuma kontakto na +5999-6717854 òf check página di Facebook: Magnum Rap Battles.