Renaissance Aruba Resort & Casino ta bay un next level
ORANJESTAD – AUGUSTUS– E aña aki Renaissance Aruba Resort & Casino lo presenta su tercer edicion di ‘Rosé All Day’. Esaki ta un evento na unda cu amantenan di biña ta bini hunto pa un atardi di relahamiento, bon musica y dushi rosé comparabel cu un ‘picnic party’ internacional na unda bo por ta pia bou y relaha cu un grupo di amistad. E di tres edicion di ‘Rosé All Day’ lo tuma lugar e aña aki dia 10 di augustus na Iguana Beach riba Renaissance Island.
E concepto ‘Rosé All Day’ a prueba su mes y a bin ta eleva experiencia di e bishitante cu cada edicion. E ‘boat trip’ pa e isla priva, presentacion di bandanan ‘live’ manera Robin and The Rebels, Joyride i Dj Lee Croes- tur lo accentua e tercer edicion di ‘Rosé All Day’. E aña aki ta añadi un VIP deck riba lama cu sigur lo ta centro di atencion. Edicion number tres di ‘Rosé All Day’ lo surpasa tur expectativa y lo ta excitante pa e turista, pero tambe pa e bishitante local.
Rosé All Day, Party All Night!
Na yegada tur bishitante lo ricibi un back-pack cu nan Rosé cup, un cooler-bag y tambe un blanket’. E biaha aki tambe lo tin diferente food station presenta dor di restaurantnan di Renaissance Aruba Resort & Casino. Lo presenta un bar di Arion Wine Company cu lo ofrece Whispering Angel, Champagne Bollinger, Ti Amo y tambe The Palm Rose. Un biaha mas a corda riba tur detaye pa haci ‘Rosé All Day’ special. Unabes eynan, tur hende lo ricibi nan pakete y por acomoda riba e beach of riba e VIP Deck. Lo tin diferente sitio durante di e evento pa saca foto y share riba Instagram; ‘Rosé All Day’ ta balelapena pa comparti cu bo friendsnan!
Carchinan ya ta na benta na e navigator desk situa den lobby di Renaissance Marina y Renaissance Ocean Suites pa unicamente $40 incluyendo un swag-bag, cooler-bag, un blanket’ y tambe $10 wine credit. E pakete VIP ($600) ta inclui henter e pakete general plus servicio personal, 2 boter di biña, un snack-platter y un high-boy riba e VIP deck- tur esaki pa 6 persona. Pa mas informacion di ‘Rosé All Day’, por yama 523.6115 of bishita e pagina di facebook di Renaissance Aruba Resort & Casino. Dresscode pa e evento aki lo ta blanco of roos.