Oranjestad, Aruba, January 11, 2016. Den e curason di Oranjestad, 5 minuut for di Reina Beatrix Airport y na un distancia hopi cortico na pia for di centro di ciudad, bo ta haya ‘E Cas Di Zoe’ Bed & Breakfast.

Un lugar único y cu ambiente familiar cu ta ofrece na su guestnan algo mas cu un lugar pa keda. ‘E Cas Di Zoe’ ta brinda e viaheronan un atmosfera trankil den un cas construi den añanan 60 y cu ta combina di un forma exquisito e arquitectura tradicional Arubano cu un toke di decoracion moderno. E servicio y hospitalidad sin igual di ‘E Cas Di Zoe’ ta loke ta marca e diferencia cu tur otro B&B na Aruba y ta complementa e experiencia di nos guestnan, sea cu nan ta bin pa vakantie of cu nan kier extende nan estadia na Aruba.

‘E Cas Di Zoë’ a haya su nomber for di e yiu muher di su propietaria, Mrs. Bettina Daal, conoci den mundo di management y turismo tanto na Aruba como na Korsou, y ultimamente den e ramo di telecomunicacion como Managing Director di Scarlet, awo nos tin e placer di conoce su fasceta nobo como business woman & entrepreneur. Naci na Korsou y cu educacion superior di Hulanda, actualmente Bettina a laga crece su raiznan mas profundo na Aruba, e pais natal di Zoë y su defunto Mama, y ta presentanos su projecto mas reciente. ‘E Cas Di Zoë B&B’.

‘Zoë’ ta e yiu di e doño y cu ta nifica ‘E Bida Di Dios’ na Griego, ta e concepto principal di e B&B; Un cas comodo y familiar, cu bon servicio y unda cu e guestnan lo sinti nan mes na cas. Su ubicacion ta hopi conveniente, cerca di e centro di Oranjestad y esaki ta brinda e viaheronan e posibilidad di bai na pia na e diferente shopping malls, restaurants, cafes, museo, y diferente otro atraccionan turistico cu e ciudad ta ofrece, entre otro, e Linear Park.

E kambernan lo ta ekipa cu Air conditioning, baño priva, un mini fridge, small kitchenette, Smart – TV HD, Cable, Wi-Fi, linnens & towels. Tambe nan por disfruta di solo y nos dushi brisa den nan terraza priva. Y como amenities nos tin ‘in room’ coffee & tea facilities. Nos ta ofrece Continental Breakfast cu ta inclui pastries, pastechi local & cappuccino coffee. Esaki por wordo sirvi den nan terraza priva of den e social area di ‘E Cas Di Zoë’.

Pa reserva mester acudi na Booking.com of ariba e website di AirBnb. Si ta pa negoshi of pa placer, nos kier extende un invitacion special pa bo bishita ‘E Cas Di Zoë B&B’ y asina dunanos e oportunidad di haci bo estadia na Aruba uno comodo y memorable.