Sr. Hans Lute direktor di Digicel Kòrsou:

WILLEMSTAD: “Nos sá ku uso di data a bira hopi importante durante di e último añanan. E idea di tin mundu den ‘bo man’ via di Social Media (Facebook/ Whatsapp), risibí email òf simplemente disfrutá di un tempu liber riba Internèt- tur ta rekerí data pa ‘download’ òf ‘stream’. Teniendo tur esei i muchu mas den mente nos a diseñá Digicel Zero”, esaki di akuerdo sr. Hans Lute, direktor di Digicel Kòrsou.

“Ta importante pa nos klientenan sá, ku na momentu ku nos ta diseñá un pakete e ta tuma hopi preparashon. Digicel ta un inovador den komunikashon mobil den nos region, esaki tin su responsabilidatnan kuné. Ku ‘Digicel Zero’ nos klientenan to risibí data i tin e posibilidat pa yama rònt ABC grátis-  no únikamente esnan den bo grupo, òf na Kòrsou. Tur esaki pa únikamente 6 florin”, asina Hans Lute a tèrminá. Por hasi yamada di Digicel pa Digicel grátis entre Kòrsou, Boneiru i Aruba. Ademas di esaki, por usa Whatsapp & FB grátis henter dia- si data kaba, por sigui usa Whatsapp i Facebook grátis. Ta importante pa e usuario komprondé ku aktivando ‘Digicel Zero’ e no ta konsumí data ora e usa Whatsapp i Facebook. 

E pakete pre-pago ‘Digicel Zero’ di 1 dia pa solamente Fl.6 ta inkluí 100MB di data 4G, hasi yamada ilimitá riba e ret di Digicel pa Aruba, Boneiru i Kòrsou (ABC), Whatsapp i Facebook grátis! Apliká awe mes pa ‘Digicel Zero’ yamando *123# of via di ‘My Digicel App’. Bishitá kualke establesimentu of diler di Digicel pa mas informashon òf konsultá e websáit www.digicelcuracao.com pa tèrmino i kondishonnan di ‘Digicel Zero’.